跳至內容
![挪威煙三文魚400克｜豐富的蛋白質、奧米加3、維他命A、鉀、鈣、鐵和鋅等營養素｜脂肪條紋分佈平均｜嫩滑帶點煙薰味｜入口甘香濃郁｜口感煙韌。[3932815164424]](http://sunlokoutlet.com/cdn/shop/files/4F077FD0-911C-4C01-B73A-3CEDF8B4154D.jpg?v=1755909210&width=533)
![［創說中的牛小排］俄羅斯MIRATORG Prime黑安格斯去骨牛小排(2磅是透明盤）｜香草谷麥混合飼養｜肉質鮮嫩帶奶香｜英國安格斯品種｜極嚴寒天氣孕育高品質雪花紋理｜無壓力生長環境｜低溫熟成[3649227067214]](http://sunlokoutlet.com/cdn/shop/files/IMG-2299.jpg?v=1758272010&width=533)
已回購幾次，鍾意佢唔太肥又唔會柴，肉粒細得嚟唔爛又冇筋，唔會好似肉泥咁，以前買過其他，一係肥到煮完油同肉分離哂，一係好瘦，啲肉又碎到肉泥咁，仲要有羶味或者食得出係用唔好嘅肉絞碎。呢隻好好，煮出嚟唔乾唔油，屋企人都大讚，話好驚喜凍肉肉碎咁好食，我試過整薯仔蒸牛肉粒、榨菜蒸牛肉餅、煮蕃茄肉醬、日式可樂餅、漢堡扒、意式肉丸，效果都好好，唯一缺點係比較大包，融咗雪又唔想再次冰返，唯有一次煮哂meal prep，冰起做frozen 漢堡扒/肉丸，都方便隨時叮返就有肉食，有時要帶飯都可以喺雪櫃執啲料入盒就ok
試過幾隻呢到健身區嘅牛，瘦牛扒嚟講呢隻最好，雖然話係肉眼但冇大嚿肥膏，正正因為佢係肉眼，咁瘦都肉質好冧，解凍完就咁落salt & pepper煎都唔硬，或者有時我懶得洗油鑊，用少少豉油/醬料加水半煎烚咁都好食，肉又冧又重肉香味，厚薄適中易咬，唔切就咁咬都得，唔似其他瘦牛要用好多醃料醃長時間先冧，健身減脂好物，推介👍
包裝好好，分好一層層唔會痴埋一餅，不需解凍直接煮就得，肉質意想不到地軟，本身驚牛腱會硬，薄切解決要長時間炆煮問題，好似肥牛咁灼幾秒就食得，一食愛上，牛腱部位0肥膏，健身減脂好選擇，已回購多次及大量購買，品質一致，很好